MedioAmbiente | mmateriales

ORACION PARA O 5 DE XUÑO : XORNADA MUNDIAL DO MEDIOAMBIENTE

(As orientacións están en cursiva)

A Xornada Mundial do Medioambiente (WED) foi establecida pola Asemblea Xeral de Nacións Unidas en 1972 e celebrada por primeira vez ao ano seguinte. Foi a primeira vez que os problemas políticos, sociais e económicos do medioambiente global se trataron nun foro intergubernamental con vistas a adoptar realmente medidas correctivas..WED está coordinada polo Programa de Nacións Unidas para o Medioambiente. (UNEP).

1° Voz. Introdución á oración: Comecemos tomando conciencia, profundamente, da presenza divina en toda a creación - incluíndonos cada un/unha de nós - así como do feito de que formamos parte dun mesmo planeta, que xira ao redor do noso Sol. Pidamos ao Espírito que nos axude a renovar a face da Terra.

Pausa para orar en silencio;, espontaneamente, ou cunha oración que sexa familiar ao grupo.
Canto: Manda o teu espírito (3), e renova a faciana da terra.

2°Voz: A minería converteuse nunha cuestión apremante para moitas congregacións relixiosas. As prácticas abusivas da minería (do carbón, o gas, o petróleo, os diamantes, o platino, o ouro, o uranio) están provocando graves danos ás persoas, a outros seres vivos e aos sistemas vitais do aire, a auga, o chan e o clima en todo o noso mundo.

3°Voz: Dependemos da codia terrestre en moitos dos elementos que nos son necesarios, tales como o noso sólido fundamento, os acuíferos, as terras de labor, as árbores, os minerais e moitas metáforas coas que podemos expresar o divino... Deamos grazas por todos estes beneficios.

Xuntos/as: Loado sexas, o meu Señor, pola nosa irmá Nai Terra,
que nos sostén e goberna e que produce froitos tan diversos,
con flores de cor e herbas. (San Francisco de Asís).

Canto: Por tantas cousas como me deches na vida, quero dicirche: grazas, Señor.

4°Voz: A orixe dos minerais remóntase a hai 4 billóns e medio de anos, cando unha explosión estelar desprendeu todos os elementos que se atopan agora no noso planeta. Durante millóns de anos, a Terra foise formando con todos estes elementos. Ao principio, estaba moi quente e os volcáns en erupción arroxaban, desde o seu núcleo, rocas e minerais fundidos. Para rematar, a Terra formou unha codia dura e ríxida ao redor deste núcleo. Baixo a codia, nun proceso que cambiaba constantemente, mesturáronse e multiplicáronse os minerais moitos dos cales seguen aloxados na codia. A medida que os continentes se movían, moitos vexetais e animais quedaron enterrados nas profundidades da Terra. Co tempo , estes sedimentos convertéronse en petróleo e gas.

5°Voz: Respondamos a cada un destes feitos relacionados coa minería, facendo un momento de reflexión silenciosa:

A partir da conquista española, América Latina converteuse nunha “vea aberta” que provocou moito traballo e moito sufrimento na poboación, así como a destrución do medio ambiente. Este sufrimento e destrución continúan aínda hoxe, debido ás prácticas inxustas utilizadas no traballo da minería. Reflexión silenciosa.

6° Voz: Os diamantes foron descubertos en África do Sur, en 1867. As políticas e acontecementos, que resultaron deste descubrimento, tiveron un impacto cada vez máis negativo sobre a xustiza e a convivencia racial en África do Sur e constituíron as bases para o sistema de apartheid que dominou o país durante un século. Reflexión silenciosa.

7° Voz: Máis do 70% das multinacionais dedicadas á exploración mundial e á minería teñen as súas sedes en Canadá. A minería é unha das industrias máis contaminantes que existen no mundo; ten un impacto desproporcionadamente negativo sobre as comunidades que viven do cultivo da terra, sobre todo, sobre as poboacións indíxenas. As compañías mineiras desposuíron as comunidades agrícolas das súas terras en Colombia e en África do Sur e negaron aos pobos indíxenas a autorización necesaria para que puidesen traballar as súas terras en Filipinas. Reflexión silenciosa.

8° Voz: Algúns minerais son extraídos por nenos, sobre todo nas situacións de conflito armado e violación dos dereitos humanos. Nas provincias orientais da República Democrática do Congo, por exemplo, millóns de persoas foron asasinadas, as mulleres violadas, os pobos destruídos, as poboacións desprazadas, as terras arrasadas e a poboación de gorilas está ameazada de extinción. Reflexión silenciosa.

9° Voz: Sabemos que, para salvar o planeta, hai que evitar que a temperatura da atmosfera da Terra aumente en máis de 2 grados Celsius. E sabemos que a cantidade máxima de combustible a base de carbono que se pode queimar, non pode ser superior a 565 billóns de toneladas Sabemos, tamén, que as reservas xa existentes elévanse a cinco veces esa cantidade; e que as industrias derivadas do petróleo, carbón e gas natural están intentando producir cada vez máis. Reflexión en silencio.

10° Voz: A industria da minería está atopando resistencia tanto nas poboacións da zona, como nos gobernos, desde Haití ata Bolivia e Perú. En todas partes hai grupos que organizan oracións, protestas, campañas de divulgación de cartas, desinversión en accións e substitución por actividades que favorezan as enerxías renovables, para poñer fin ás inxustas e perigosas actividades mineiras. Reflexión en silencio.

Todas/os: Dixo Deus : Tira as sandalias, porque o lugar onde estás é terra sagrada. (Ex. 3,5)

Dependendo do tamaño do grupo, pódeselles invitar a que en grupos de 2 ou de 3 compartan os seus sentimentos, ideas, esperanzas e temores sobre algún dos seguintes puntos. Expresar con claridade cal será o sinal para poñer fin ao debate.

- O problema da minería que me preocupa máis é... porque ....

- Fíxenme moito máis consciente de que as industrias mineiras afectan á pobreza, á dignidade e ás xeracións futuras cando.... porque...

- Respecto de a minería, iluminoume decatarme de que.... porque . . . .

Fin do compartir e respondemos xuntos/as: O medioambiente é un agasallo de Deus para toda a humanidade, e no uso que facemos del somos responsables respecto de os pobres, ás futuras xeracións e ao xénero humano no seu conxunto. (Bieito XVI, 2012)

11°Voz: Hai séculos, Galileo escribía: “Que maior estupidez podemos imaxinarnos que a de cualificar de “valiosas” cousas como as xoias, a prata, o ouro e, en cambio, considerar como “viles”, “insignificantes” o planeta e o chan” A xente que obra así debería recordar que se, nalgunha ocasión, a terra e o chan fosen tan escasos como as xoias ou os metais preciosos, non habería ningún príncipe que non estivese disposto a pagar unha bolsa chea de diamantes e rubís ou unha carreta cargada de xoias, para conseguir, simplemente, o pouquiño de terra necesaria para plantar un xasmín nun pequeno testo, ou para sementar unha semente de laranxa e observar como empeza a agromar, como crece e como produce, ao fin, as súas fermosas follas, as súas flores perfumadas e o seu froito exquisito”

Respondemos xuntas/os: Bendí, alma miña, ao Señor! Oh Deus, que grande es!... Revestícheste de esplendor e maxestade.... asentaches a terra nos seus alicerces e non vacilará... Pola túa palabra levantáronse as montañas e os vales descenderon ata o lugar que ti sinalaras para eles .... enchiches de harmonía toda a terra. (Versos do salmo 104).

LADAÍÑA: Respondemos a cada intercesión: Pedímosche humildemente que nos fortalezas.

* Oremos para que a humanidade saiba pasar dunha visión totalmente antropocéntrica da vida, á convicción de que a Terra é unha comunidade de suxeitos, unha unidade total da que todos e cada un/a formamos parte: